ការព្រងើយមិនយកចិត្តទុកដាក់លើបញ្ហាច្បាប់ អាចបណ្តាលអោយកើតមានជារឿយៗដល់បុគ្គលម្នាក់ៗ និងសហគមន៍នានា នូវការខកខានមិនបានប្រើប្រាស់សិទ្ធិស្របច្បាប់ដែលខ្លួនមានហើយព្រមទាំងអាចធ្វើឲ្យមានការកើនឡើងនៃភេទនីយភាពក៏ដូចជាភាពទទួលរងនូវការបាត់បង់សិទិ្ធផងដែរ។ ដោយហេតុនេះ Destination Justice ធ្វើការផ្តោតសំខាន់ទៅលើតម្រូវការនៃការទទួលបាន សិទ្ធិប្រើប្រាស់ច្បាប់ជាសកលក៏ដូចជាការបង្កើនការយល់ដឹងអំពីសិទ្ធិកាតព្វកិច្ចនិងមូលដ្ឋាននីតិបញ្ញត្តិដែលជាធាតុផ្សំសំខាន់របស់សង្គមមួយ ដែលប្រកបដោយភាពយុត្តិធម៌ និងសមភាព ស្របតាមតាមគោលការណ៍នីតិរដ្ឋ។ តើកម្មវិធីកម្រងនីតិកម្ពុជា "Chbab.net" ជាអ្វី? គម្រោងChbab.net របស់ Destination Justice គឺជាផ្នែកមួយនៃកម្មវិធីកម្រងនីតិកម្ពុជា ដែលមាន គោលបំណងបំពេញគម្លាត ដែលកើតមានឡើងរវាងការកើនឡើងយ៉ាងឆាប់រហ័សនៃធនធានច្បាប់ក្នុងប្រទេសកម្ពុជា និងការទទួលបានព័ត៌មាននៅមានកំរិតនៅក្នុងវិស័យច្បាប់នេះផ្ទាល់។គោលបំណងចម្បងនៃគម្រោងនេះ គឺធ្វើអោយមានការកើនឡើងនៃការទទួលបានព័ត៌មានផ្នែកច្បាប់ ដល់ប្រជាពលរដ្ឋកម្ពុជា។ លទ្ធផលជាបឋមរបស់គម្រោងនេះ គឺការបង្កើតអោយមានប្រព័ន្ធទិន្ន័យ លើបណ្តាញអ៊ីនធើណេតមួយ ដែលផ្ទុកទៅដោយបទដ្ឋានគតិយុត្តិរបស់ព្រះរាជាណាចក្រកម្ពុជា ទាំងអស់ ជាខេមរភាសា ជាភាសាអង់គ្លេស និង/ឬ ជាភាសាបារាំងដែលជាបានចូលជាធរមាន។ គេហទំព័រនេះ ក៏នឹងបង្ហេាះ blog មួយផងដែរ ដែលបង្ហាញពីបទវិភាគ និងបរមាធិប្បាយរបស់ អ្នកវិជ្ចាជីវៈច្បាប់ ទៅលើបញ្ហាច្បាប់នានា។ ដើម្បីធ្វើអោយការប្រើប្រាស់ និងការយល់ដឹងច្បាប់ ជាអតិបរិមា Chbab.net ត្រូវបានរៀបចំឡើងក្នុងលក្ខណៈមួយ ដែលបង្កអោយមាន ភាពងាយស្រួលដល់អ្នកប្រើប្រាស់ ហើយជានិច្ចជាកាលនឹងមានការបញ្ចូលបទបញ្ញត្តិថ្មីៗដែលចូល ជាធរមាន។ គេហទំព័រនេះ នឹងផ្តល់សេវាជាធនធានសំខាន់មួយសម្រាប់អ្នកច្បាប់ និងបុគ្គលមិនមែន ជាអ្នកច្បាប់ ដែលកំពុងប្រឈមមុខនឹងផលវិបាកក្នុងទទួលបាននូវព័ត៌មានច្បាប់។ គម្រោងនេះ មាន លក្ខណៈច្នៃប្រឌិត សាមញ្ញ និងមិនគិតថ្លៃពីអ្នកប្រើប្រាស់ទេ។ គម្រោងនេះ មានលក្ខណៈប្រត្យក្ស និងមិនមាននិន្នាការនយោបាយទេ។ ហើយគោលដៅរបស់គម្រោង គឺផ្អោតទាំងស្រុងទៅលើការផ្សព្វផ្សាយព័ត៌មានជាសារវន្ត ដែលជួយលើកកម្ពស់ប្រជាជន និងបង្កើន ចំណេះដឹង ក៏ដូចជាការយល់ដឹងពីបញ្ហាច្បាប់។
ហេតុអ្វីបានជាគម្រោងនេះមានសារៈសំខាន់? សកម្មភាពកំពុងអនុវត្តរបស់ Destination Justice បានបង្ហាញអោយឃើញនូវតម្រូវការក្នុងការ ធ្វើអោយប្រសើរ លើការទទួលបានពត៌មានរបស់សាធារណជន នូវព័ត៌មានច្បាប់ ក៏ដូចជាសេចក្តីសម្រេច ផ្សេងៗ ទាំងផ្នែកគុណភាព និងបរិមាណ ។ ប៉ុន្មានឆ្នាំចុងក្រោយនេះ អង្គនីតិបញ្ញត្តិកម្ពុជា បានបោះជំហានយ៉ាងសំខាន់ជាច្រើនក្នុងការអភិវឌ្ឍ និងពង្រីកក្របខណ្ឌច្បាប់ ហើយកំនើនយ៉ាងឆាប់រហ័សនៃចំនួនអត្ថបទច្បាប់ជាច្រើន ត្រូវបានអនុម័តនៅព្រះរាជាណាចក្រកម្ពុជា។ ទោះបីជា យ៉ាងនេះក្តី អត្ថបទច្បាប់កម្ពុជាជាច្រើន នៅតែពិបាកសែ្វងរក ឬក៏ភាពលំបាកក្នុងការស្វែងរកទីតាំង ច្បាប់ទាំងនោះនៅតែមានដដែរ។ ជាលទ្ធផល ប្រជាជនជាច្រើន មិនបានជ្រាបពីអត្ថិភាពទាំងស្រុង របស់ច្បាប់មួយចំនួន ឬមិនដឹងអំពីមាតិកា និងខ្លឹមសារពិស្តាររបស់ច្បាប់មួយចំនួន។ ដោយ ការប្រើប្រាស់បច្ចេកវិទ្យាមានការកើនឡើងក្នុងសង្គមកម្ពុជា ក៏ដូចជាការកើនឡើងនៃការប្រើប្រាស់ ប្រពន្ធ័អ៊ីនធើណេត ក្នុងរយៈពេលប៉ុន្មានទសវត្សចុងក្រោយនេះ Destination Justice ជឿជាក់ថា ភាពខ្វះចន្លោះក្នុងការយល់ដឹងពីច្បាប់អាចបំពេញដោយប្រព័ន្ធទិន្ន័យលើបណ្តាញអ៊ីនធើណេតមួយ ដែលពិស្តារនិង ឥតគិតថ្លៃក្នុងការប្រើប្រាស់ ហើយដែលមាន ផ្ទុកទៅដោយ អត្ថបទច្បាប់របស់កម្ពុជា ក៏ដូចជាច្បាប់អន្តររជាតិដែលពាក់ពន្ធ័ផងដែរ។ តើលទ្ឋផលបស់គម្រោងមានអ្វីខ្លះ?
តើអត្ថប្រយោជន៍រយៈពេលវែងមានអ្វីខ្លះ?
|
Chbab.net ភាសាខ្មែរ >
